ایکسائز اینڈ نارکاٹکس کنٹرول ساؤتھ ریجن کے ایس ایچ او فیصل خان سے بھاری مقدار میں منشیات اور اسلحہ برآمد ، مقدمہ درج، ملزم گرفتار
ڈیرہ اسماعیل خان: تھانہ ایکسائز اینڈ نارکاٹکس سائوتھ ریجن کو لاچی تھانہ کوہاٹ کی طرف سے بھجوائے گئے مراسلہ میں بتایا گیا ہے کہ کرک کی جانب سے آنے والے گہرے سبز رنگ کے پراڈو ڈالہ میں ایکسائز انسپکٹر کی یونیفارم میں بیٹھے شخص نے اپنا نام فیصل بتایا اور ان کے ساتھ ایکسائز کے دو سپاہی بھی گاڑی میں سوار تھے۔ انہیں گاڑی سے نیچے اتار کے چیک کیا تو ان کے پاس 9 ایم ایم پستول اور 25 کارتوس برآمد ہوئے گاڑی کی ڈگی چیک کرنے پر اس میں30 کلو گرام افیون، 132 کلو گرام چرس کے درجنوں پیکٹس کے علاؤہ بھاری مقدار میں اسلحہ تھا جس میں کلاشنکوف اور ایمونیشن شامل تھا۔جسے تحویل میں لے کر پولیس نے ملزمان کو گرفتار کر کے مقدمہ درج کر لیا ہے۔
