ضلع شمالی وزیرستان میں انسداد پولیو ٹیم پر حملے میں تین افراد مارے گئے ہیں۔
حکام کے مطابق شمالی وزیرستان کی تحصیل دتہ خیل کے علاقے تنگ کلی میں انسداد پولیو ٹیم پر نامعلوم مسلح افراد نے حملہ کر کے ایک پولیو ورکر اور سیکیورٹی پر مامور دو اہلکاروں کو قتل کر دیا ہے۔
ذرائع کے مطابق حملے میں پولیو ٹیم کی سیکیورٹی پر مامور دو پولیس اہلکار دین شاہد اور رضا اللہ فائرنگ کی زد میں آئے اور موقع پر ہی دم توڑ گئے۔ فائرنگ کے اس واقعے میں پولیو ٹیم کے ایک رکن رشید اللہ جاں بحق جبکہ ایک اور ورکر زخمی ہو گیا.
واقعہ کے بعد پولیس نے سرچ آپریشن شروع کر دیا ہے۔
