نو تعینات ڈی پی او ڈیرہ کیپٹن (ر) نجم الحسنین لیاقت نے اپنے عہدے کا چارج سنبھال لیا
ڈیرہ اسماعیل خان: تفصیلات کے مطابق نو تعینات ڈی پی او ڈیرہ اسماعیل خان کیپٹن (ر) نجم الحسنین لیاقت نے ڈیرہ پولیس کی کمان سنبھال لی۔ پولیس لائن پہنچنے پر ایڈیشنل ایس پی اسلم خٹک و دیگر سٹاف نے ڈی پی او کا پرتپاک استقبال کیا۔ ڈیرہ پولیس کے چاق و چوبند دستے نے سلامی پیش کی۔ ڈی پی او ڈیرہ نے یاد گار شہدار پر حاضری دی، پھول چڑھائے اور فاتحہ خوانی کی۔ ضلعی پولیس سربراہ نے سلامی دینے والے چاک و چوبند دستے کو شاباش دی اور نقد انعام سے نوازا۔ اس کے بعد ضلعی پولیس سربراہ نے پولیس لائن میں واقع مختلف شعبہ جات کا دورہ کیا اور جوانوں سے ملاقات کی۔ اس موقع پر ضلعی پولیس سربراہ نے ایڈشنل ایس پی اسلم خٹک کو پولیس لائن کی مزید بہتری کے لئے ہدایات بھی دیں۔
