ایکریڈیشن کارڈ ہولڈرز صحافیوں کو سرکاری پروگرامز میں مدعو کرنے اور سرکاری معلومات فراہم کرنے کے احکامات کا اطلاق نہ ہو سکا
پشاور: صوبائی حکومت کے محکمہ اطلاعات و تعلقات عامہ کی جانب سے تمام کمشنرز ، ڈپٹی کمشنرز اور ڈی پی اوز کو تحریری ہدایت جاری کرنے کے باوجود جرائم پیشہ اور بلیک میلرز کا صحافتی لبادے میں سرکاری تقریبات میں آمد و رفت جاری، یاد رہے کہ انفارمیشن ڈیپارٹمنٹ نے مختلف جرائم پیشہ افراد خصوصا ڈیرہ اسماعیل خان میں ایک شیڈول فور شخص کی محرم کے دوران اہم میٹنگ میں شرکت پر ناراضی کا اظہار کرتے ہوئے صوبہ بھر کے افسران کو سرکاری تقریبات میں ایکریڈیشن کارڈز ہولڈرز کو کوریج کے لیے مدعو کرنے کے احکامات جاری کیے ہیں تاہم ڈیرہ اسماعیل خان میں اب تک ان احکامات پر عمل درآمد نہیں کیا جا رہا ہے ذرائع کے مطابق حکومت نے میڈیا ڈویلپمنٹ اتھارٹی بل کو منظور کروانے کے ساتھ ساتھ اداروں میں غیر متعلقہ صحافیوں کی جانب سے بلیک میلنگ کو روکنے کیلئے یہ اقدام اٹھایا ہے کہ آئندہ صرف سرکاری ملازمین کسی بھی قسم کی معلومات ایسے صحافیوں کو فراہم کریں جنہیں متعلقہ حکومت کی جانب سے ایکریڈیشن کارڈ جاری کیا گیا ہو۔ ذرائع کا کہنا ہے کہ ابھی اس کا اطلاق نہیں ہوا جلد تمام محکموں کو اس بارے میں آگاہ کر دیا جائے گا۔
