34

بلاول کا 17 وزارتیں بند ، 300 یونٹ تک مفت بجلی، 1500 ارب کسانوں کو سبسڈی اور تنخواہیں دگنی کرنے کا اعلان

چیئرمین پیپلز پارٹی بلاول بھٹو زرداری نے اقتدار میں آنے کے بعد وفاق میں 17 بڑی وزارتیں بند کر کے 300 ارب روپے عوام پر لگانے کا اعلان کر دیا۔نوابشاہ کے بختاور گرلز کیڈٹ کالج کی پاسنگ آؤٹ پریڈ سے خطاب کرتے ہوئے بلاول بھٹو زرداری کا کہنا تھا فرٹیلائزر، توانائی اور دیگر سیکٹرز کو دی جانے والی 1500 ارب روپے کی سبسڈی مزدوروں اور کسانوں کو براہ راست دیں گے۔
بلاول بھٹو زرداری کا کہنا تھا اقتدار میں آ کر کسان، مزدور اور نوجوان کارڈ اور غریبوں کو 300 یونٹ تک بجلی مفت دیں گے۔
انہوں نے کہا کہ سولر اور ونڈ پاور منصوبے لگا کر اپنی بجلی خود پیدا کریں گے، واپڈا اور کے الیکٹرک کی ضرورت نہیں پڑے گی۔
چیئرمین پیپلز پارٹی کا کہنا تھا آئندہ آنے والی حکومت کو وعدہ کرنا ہوگا کہ 5 سال کے اندر تنخواہیں دگنی کرے گی، پرانے سیاستدان پاکستان کا ماضی ہیں، آپ مستقبل ہیں، ہم مل کر محنت کریں گے اور ملک کی ترقی میں حصہ ڈالیں گے۔

اس خبر پر اپنی رائے کا اظہار کریں

اپنا تبصرہ بھیجیں