پشاور : خیبر پختونخوا کے بعض علاقوں میں کل شام سے بارشوں اور تیز ہواؤں کا نیا سلسلہ شروع ہونے کا امکان، محکمہ موسمیات
پی ڈی ایم اے خیبر پختونخوا نے ضلعی انتظامیہ اور متعلقہ اداروں کو مراسلہ جاری کر دیا۔ کوہستان ، شانگلہ ، مانسہرہ ، ایبٹ آباد ، ہری پور ، مردان ، چارسدہ ، نوشہرہ ، دیر ، چترال ، پشاور ، کوہاٹ اور وزیرستان میں وقفے وقفے سے بارش کا امکان ہے۔ بدھ سے جمعہ تک دیر ، کوہستان ، مانسہرہ اور ایبٹ آباد میں وقفے وقفے سے تیز بارش کا امکان ہے۔ تیز بارشوں کے پیش نظر ضلعی انتظامیہ اور متعلقہ اداروں کو پیشگی اقدامات کرنے اور الرٹ رہنے کی ڈی جی، پی ڈی ایم اے شریف حسین کی جانب سے ہدایات جاری کر دی گئیں۔
